【長文慎入】
上年暑假，朋友Lily問我有無興趣報Skateboard camp，隨口問兩粒妹，佢哋話想試，咩都無諗就去上堂，結果T堂堂都喊，話以後唔想再學。
時空一轉，去到上年聖誕，Skateboard camp又嚟，我屎忽痕再問佢哋一次有冇興趣（因為R上次其實學得OK），兩個又話想上，今次輪到R上完話唔學， 而T仍然係堂堂喊。咁搞法都應該唔會有下次，點知有一日， T主動問我幾時再去上堂。（細路真係好難捉摸😓）既然你話上，咪又再試吓囉。
查實T同阿媽一樣手腳唔協調👉🏻👈🏻 ，跑步不嬲跑第尾，又怕高又怕快，完全零運動天份，加上個人易分心，又keep住想太多，喜歡將心理關口放到無限大，試過喺一個斜坡上企咗超過30個鐘（大約經歷咗一個月），全家人超frustrated，好彩有一路無放棄佢嘅鼠哥哥，諗盡辦法幫佢氹佢推佢落去😂，終於佢成功落咗個斜坡！(然後又再企喺另一個斜坡度喊，無限輪迴😵）
我同大R成日話鼠哥哥唔係板仔，佢係一個專業嘅運動員/教練，因為佢對每一個學生都好上心同有要求，想佢哋每次嚟都攞到一啲嘢走，挑戰自己，陪住佢哋一關一關咁過，一齊成長，絕對係非一般阿Sir。
當然仲有一班擁有最純真嘅心無時無刻鼓勵同伴嘅朋友仔，佢哋個個身懷絕技，但從來唔會吝嗇將自己識嘅嘢教其他人，任何人遇到問題，佢哋會立即衝出嚟幫手，姨姨我有幾次俾佢哋發自內心嘅關心感動到眼濕濕。
本身以為帶粒妹去踩吓板，點會估到得到咁多咁多難能可貴嘅經歷同友誼，雖然T仍然係好唔穩定（即係對上十次做到，第十一次會突然話好驚大喊⋯⋯），次次都搵著鼠哥哥嚟搞，辛苦晒！🙏🏻
呢一年T真係大個咗好多（雖然都仲係似6歲），感激鼠哥哥，感激一班熱血同學仔同佢哋嘅daddy mommy，感激T能遇上Skateboard！！🛹
#喊咗無限次 #連阿媽都喊埋 #真係可以好感動 #多謝AuntieLily #skategirl #skatelife #thankyouskateboarding
@sk8mouse @lileelyyung @scott.is.a.sk8ter @codyshekcody @kingsley.sk8 @ivor_solok
Search